gʻalva

ot 1. Shovqin-suron koʻtarib qilingan janjal, toʻpolon.

Muncha gʻalva qilasan?

Naq gʻalvalar boʻlardiki, qoʻni-qoʻshni oʻrtaga tushardi. — S. Ahmad, Yulduz

Qutbiddinov ertagayoq Suyarning maktabiga borib, katta gʻalva koʻtarmoqchi boʻldi. — A. Qahhor, Oʻjar

2. Tashvish keltiruvchi narsa, holat; tashvish.

Gʻalvasi koʻp boʻladi — hali unisi kasal, hali bunisi hushidan ketgan, oʻlsa, oʻligini saranjomla! — U. Ismoilov, Saylanma

Butun gʻalvalaring mening boshimda-ku, yana, nima qilib oʻtiribsiz, deysan-a! — S. Zunnunova, Olov.