ғалва

от 1. Шовқин-сурон кўтариб қилинган жанжал, тўполон.

Мунча ғалва қиласан?

Нақ ғалвалар бўлардики, қўни-қўшни ўртага тушарди. — С. Аҳмад, Юлдуз

Қутбиддинов эртагаёқ Суярнинг мактабига бориб, катта ғалва кўтармоқчи бўлди. — А. Қаҳҳор, Ўжар

2. Ташвиш келтирувчи нарса, ҳолат; ташвиш.

Ғалваси кўп бўлади — ҳали униси касал, ҳали буниси ҳушидан кетган, ўлса, ўлигини саранжомла! — У. Исмоилов, Сайланма

Бутун ғалваларинг менинг бошимда-ку, яна, нима қилиб ўтирибсиз, дейсан-а! — С. Зуннунова, Олов.