фуқаро

от 1. Бирор мамлакатнинг доимий (муайян юридик ҳуқуқларга эга бўлган) аҳолиси, гражданлар.

Ўзбекистон фуқароси. Россия фуқароси. Англия фуқароси.

Қай подшонинг фуқароси бўласан? — Юсуф ва Аҳмад

Аслини олганда, томошабинларнинг аксарияти амирдан қочиб ўтган Бухоро фуқаролари эди. — К. Яшин, Ҳамза

2. Умуман, оддий халқ, омма.

Келган маҳсулотнинг нархи эса оддий фуқаро ҳамёнини чақади. — Газетадан

Мен подшолар учун эмас, Хуросон фуқароси учун Мадраса соляпман. — Мирмуҳсин, Меъмор

Фуқаро бош эгиб кирадиган қийшиқ эшик, гувала деворини эплаб олса ҳам катта гап. — Мирмуҳсин, Умид