firib
фирибfirib
ot Kishini qasddan adashtirish, qoʻlga tushirish, aldash; hiyla-nayrang, makr.
Ishing firib, hiyla ekan soʻzlaring, Yuzing konsiz, ola ekan koʻzlaring. — Ravshan
Uning chakchayganroq koʻzlarida muallim qandaydir shaytoniy firib va nafrat sezdi-da, alamdan qaltirab, devorga suyandi. — Oybek, Nur qidirib
- Firib bermoq (yoki qilmoq) Nayrang ishlatmoq, aldamoq, qoʻlga tushirmoq. Nasim, koʻzingizni loʻk qilib, firib beradi. — T. Murod, QoʻshiqGoh kimningdir pinjiga kirib, Sezdirmasdan berardi firib. — A. Poʻlkan, Izhor
- Firib yemoq Birovga aldanmoq, aldanib qoʻlga tushmoq; pand yemoq. Soddadillik qilib, firib yedi-yu, qahramonlik qilib, oʻzini oqladi. — N. Safarov, Jangchi shoirDushman firibin yema va maddoh xushomadin chin dema. — Hikmatli soʻzlar
- Shaytonga firib beradi Hiyla-nayrangda shaytonni ham yoʻlda qoldiradigan, oʻtaketgan firibgar. Baʼzi birovlarday shaytonga firib beradigan makkor, ustomon boʻlgandan, aslida shunaqa soddalik ham durust. — S. Siyoyev, Erkaklar ertagi