фарзандлик
farzandlikфарзандлик
от Фарзанд мақомида бўлиш, фарзанднинг бурч ва мажбуриятларини адо этиш; бирор кимсага фарзанд бўлиш.
Фарзандлик бурчи. Фарзандлик саломи.
Биз фарзандлик бурчин ўйлаб, танладик аъмол. — А. Шер, Қадимги куй
- Фарзандлик қилмоқ Кимсага ўғил ёки қизлик бурчини адо этмоқ. Фарзандликка бермоқ Ўз боласини (ўғил ёки қизини) бировга бутунлай фарзанд қилиб, унинг тарбиясига топширмоқ.[Шоқосим] Хўжайинлар тоифасида инсоф ёʻқлигидан бировга фарзандликка берган ўғлини кўриб келишга ҳам вақт тополмаганидан, умуман, ярали кўнгилнинг додидан бир-бир баҳс очди. — Ойбек, Танланган асарлар
- Фарзандликка олмоқ (ёки қабул қилмоқ) Бировнинг боласини ўзига бутунлай фарзанд (ўғил ёки қиз) қилиб, ўз тарбиясига қабул қилмоқ. Ёмонликни йиғиштириб қўйдида, Фарзандликка қабул қилди меҳмонни. — Юсуф ва Аҳмад