эскича

сфт. 1. Эски, илгариги вақтга мансуб бўлган, илгариги одат, расм, тартиб ва шу кабиларга мос келадиган; қадимгича.

Эскича тўй. Эскича усул. Эскича гап. Эскича кийинмоқ. Эскича ишламоқ.

Бу гапингиз нотўғри, қори, сизнинг илмингиз эскича илм. — А. Қаҳҳор, Қўшчинор чироқлари

2. кам қўлл. Аввалгидек.

У онасининг бу киноясини кулгилик билан кечириб, яна эскича аразда қола берадир. — А. Қодирий, Ўтган кунлар

юқорига чиқишга қистаса ҳам, кавушини ечмай, эскича ўтира берди. — А. Қодирий, Ўтган кунлар