эшилмоқ

фл. 1. Эшмоқ И 1 феълининг ўзлик ва мажҳул нисбати.

От белига торта берди сайислар Ипакдан эшилган майин айилди. — Ойсулув

2. кўчма Кокил каби таралмоқ, ипакдай майин осилиб сочилмоқ.

Қора зулфинг эшилгандир тол-тол — Муродхон

Қаҳрабодек сап-сариқ сабзи унинг пичоғи остида ипак сингари эшилиб, таралиб чиқар эди. — А. Мухтор, Чинор

3. кўчма Мулойим ҳаракат, ҳолат касб этмоқ (шахс ҳақида).

Тўхтанг! — деди жувон ноз билан эшиларкан. — Н. Аминов, Ёлғончи фаришталар

Бунақа пайтда оғзимиздан бол томиб, ўзимиз ҳам эшилиб кетамиз. — Х. Тўхтабоев, Ширин қовунлар мамлакати