эртанги

сфт. 1. Эртага бўладиган, эртаси куни амалга ошириладиган, рўй берадиган.

Эртанги кун. Эртанги мажлис. Эртанги ишга бугун режа туз. — Мақол

Бу кунги фойда гўшт бўлса, эртангиси нуқул мой бўлиши аниқ,. Ойбек, — Танланган асарлар

2. Эрталабки, эрталаб бўладиган.

Дастурхон ёзилиб, эртанги нонушта учун дамлаб қўйилган чой олиб келинди. — А. Қодирий, Ўтган кунлар

— Қани, марҳамат, эртанги насиба, — деди нотаниш киши бизни анжирга таклиф қилиб. — Н. Сафаров, Оловли излар

3. Келаси, бўлғуси.

У [онанг] ҳам доим руҳимни кўтариб, эртанги яхши кун билан овутарди. Ё. Хайимов, М. — Раҳмон, Ҳаёт-мамот

Эртанги раис ҳам, боғбон-у пахтакор ҳам ўқувчилар! — Ўзбекистон қўриқлари

Майда эгатларда сув ялтираб оқар, рўмол танғиган хотинлар, чамаси, эртанги карам экишарди. — Ў. Ҳошимов, Қалбингга қулоқ сол