эрмак

ermak

1 та луғатда: Изоҳли яна 6 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

эрмак

от 1. Вақтни кўнгилчоғлик билан ёки зерикмай ўтказиш учун хизмат қиладиган нарса, машғулот.

Болалар эрмаги. Бекорчиликка эрмак. Эртак — эрмак.

Овқатдан кейин эрмак учун ўзининг ҳам ўзга шоирларнинг муаммоларидан бир нечасини ўқиб, яширилган исмларни топишни илтимос қилди. — Ойбек, Навоий

2. Кўнгилга тасалли берадиган, овутадиган нарса, кимса; овунчоқ, юпанчиқ.

Назокатнинг бирдан-бир машғулоти ва эрмаги дутор эди. — Ш. Рашидов, Бўрондан кучли

Ёлғизликнинг дастлабки кунларида унинг эрмаги фақат Тўлқин билан Учқун бўлди. — Ҳ. Ғулом, Машъал

3. Масхара, кулги, мазах бўлган кимса, нарса.

Қизлар Салимахонни эрмак қилиб, кулишиб ўтирганларида, Хадичахон кириб келди. — Н. Фозилов, Оқим

Эрмак қилмоқ 1. Эрмак учун бирор нарса билан машғул бўлмоқ. Муҳаммад Жамол урина-урина, ниҳоят, уйқуга кетди. Аҳмад Ҳусайн у-бу китобларни эрмак қилди. — Ойбек, Нур қидирибАна, ҳар куни эрмак қилиб турадиган дўмбирасининг дастаси қамиш кули орасидан чиқиб ётибди. — Н. Фозилов, Дийдор;Қиз эрмак қилаётгандек, орқасига қараб қичқирди: — Ҳой, Акбар, ўртоғинг келдилар, бу ёққа чиқ. — С. Аҳмад, Тоғ афсонасиСайфи бўлса, ҳадеб тилини чиқариб, мени эрмак қилади. — С. Аҳмад, Сайланма