erk
эркerk
ot 1. Kishining yoki kishilarning oʻz xohishi bilan ish-harakat qilish huquqi; ixtiyor, mayl.
Har kimning erki oʻzida. Uz erkiga qoʻyib bermoq. Erkini boʻgʻmoq. Qoʻlingga, tilingga erk berma,
Sanʼatkorda kuch va ishonch, erk va dadillik boʻlmas ekan, u oʻz maqsadiga erisha olmaydi. — F. Musajonov, Himmat
2. Siyosiy, iqtisodiy, huquqiy jihatdan mustaqillik; erkinlik.
Erk uchun kurashmoq.
Xalqqa erk uchun, non uchun, madaniyat uchun kurashga otilmoq kerak. — Oybek, Nur qidirib
- Erk bermoq Ixtiyorni oʻziga qoʻyib qoʻymoq; yoʻl qoʻymoq. Insofsizga erk bersang, elni talar. — MaqolAbdiyev nafsi bilan birga qoʻliga ham erk berib qoʻyganga oʻxshaydi. — MushtumU hech qachon hayajonga ham erk bermas edi. — A. Muxtor, Boʻronlarda bordek halovat