ЭМУЛЬСИЯ

Эмулсия — суюқ фаза заррачаларининг иккинчи суюқ фазада тарқалган дисперс системаси. Фазалардан бири сув, иккинчиси сувда эримайдиган ёғ. Шунга кўра E.larning икки тури мавжуд: сувдаги ёғ дисперсиялари (Ё/С) ва ёғдаги сув дисперсиялари (С/Ё). E.ning битта фазаси узлуксиз, иккинчиси алоҳида заррачалардан ташкил топган. E.ni ташкил қилувчи иккала суюқлик ҳам бир-бирида эримайди ва молекулаларининг тузилиш кўрсаткичи бўйича бир-биридан жуда катта фарқ қилади. Суюқликлардан бири қутбли (масалан, сув), иккинчиси — қутбсиз ёки кам қутбли (масалан, органик суюқлик, углеводород, бирикмаси — нефт).