elektr

ot 1. Elektrik zaryadlarning mavjudligi, oʻzaro taʼsiri va harakati natijasida roʻy bergan fizik hodisalar majmui; shu hodisalar tufayli yuzaga keladigan energiya turlaridan biri.

Musbat elektr. Manfiy elektr. Elektr toki. Elektr quvvati. Elektr lampasi. Elektr qoʻngʻiroq.

2. s. t. Elektr oqimi quvvati bilan yonadigan yoritkich va undan tarqaluvchi nur, yorugʻlik.

Dora chiroq yoqmayman, Elektrlar turganda, Dangasaga tegmayman, Zarbdorlar turganda. — Qoʻshiqlar

Ketmon ushlagan ikki moʻysafid uning yonidagi elektr ustuni tagida gaplashib turardi. — Oʻ.Umarbekov, Yoz yomgʻiri

3. sft. Elektr quvvati bilan ishlaydigan.

Sartaroshlik yomon kasb emas. Elektr mashinalar har qanday oshqovoqday boshni ham bir zumda shilib tashlaydi. — E. Rayimov, Ajab qishloq