Ekologik huquqbuzarlik

atrof-muhitga va tabiiy resurs-larga ekologik zarar keltirish, amaldagi qonunlarni va huquqni buzish. Ekologik huquqbuzarlik (maʼlum shartlarga koʻra) 2 yoʻnalishda koʻrib chiqiladi: 1) iqtisodiy – tabiat obyektlarini yoʻq qilish, ularga zarar keltirish, ifloslantirish va kamaytirish natijasida mulkiy manfaatlarning poymol qilinishi; 2) ekologik – tabiat obyektlarining tabiiy holati yomonlashishi, ularning ekologik aloqa va funksiyalarining zaiflashishi, oʻz-oʻzini tozalash va oʻz-oʻzini tiklash qobiliyatlarining kamayishi, tabiatning (shu jumladan insonning) himoyaviy xususiyatlarining zaiflashishi.