дуогўй

от 1. Дуо қилувчи, дуо ўқувчи; бирор тилак билан худога ёлворувчи.

Ўтирганлар даст туриб, хон дуогўйига қуллуқ қилишдилар. — С. Сиёев, Аваз

2. кўчма Кимсага яхшиликлар тиловчи; меҳрибон.

Сен бўлгайсан дуогўйим, Жоним эна, хуш қол энди. — Муродхон

Афтидан, кампирим қазо қилганга ўхшайди. Дуогўйимдан айрилдим, элат! — Ойбек, Қуёш қораймас

3. Дуолар ўқиб ёки ёзиб, гўё инс-жинсларни қайтарувчи, шу ёʻл билан касалларни даволовчи шахс.

4. Иссиқ-совуқчи, азайимхон.

— Мен шу вақтгача дуогўйдан ҳеч шифо топмаганман — деди Қаландар деган банди. — С. Айний, Дохунда.