домулла

от 1. Диний мактаб муаллими.

Сайфулла мачитга бориб, домулласидан сабоқ олиб келди. — П. Турсун, Ўқитувчи

Домулласан, илмингдан садаға, яхшилаб ўқитгин энди беҳроқ. — Эрали ва Шерали

2. Мадрасани битирган мулла киши.

Хон мулла Ниёз домуллага қаради Домулла Ниёз Анвар тарафидан дуога қўл очди. — А. Қодирий, Меҳробдан чаён

3. этн. Дуохонлик, иссиқ-совуқ қилиш билан шуғулланувчи шахс.

[Юсуфбек ҳожи Ўзбек ойимнинг] Доимо иссиқ-совуқчи домулла, хўжаларникида бош оғритиб юришини ҳам билар эди. — А. Қодирий, Ўтган кунлар

4. с. т. Урта ва олий мактаб ўқитувчиси; илмий раҳбар, устоз.

Қудрат уни Олга Петровна билан таништириб: — Мана сизга домулла, шу кишида ўқийсиз, — деди. — М. Исмоилий, Фарғона тонг отгунча

Иброҳимов домулласи Иван Петровичнинг уруғчилик совхозига келганини эшитиши биланоқ, бутун материалларини олиб жўнади. — А. Қаҳҳор, Қўшчинор чироқлари