доктор

от 1. с. т. Касалларни даволовчи олий маълумотли тиббиёт ходими; шифокор, врач.

Доктор ёзаётган анкетасидан бош кўтариб, жилмайди. Ў. — Ҳошимов, Қалбингга қулоқ сол

Ойим ҳам тез-тез докторга қатнайдиган бўлиб қолди. — С. Сиёев, Ёруғлик

2. Докторлик диссертациясини ҳимоя қилган фан номзодлари ёки профессорларга бериладиган олий илмий даража ва шу даражани олган олим.

Филология фанлари доктори.

Илмий кенгаш кашфиётимни кўриб чиқиб, яхши баҳолабди ва менга медицина фанлари доктори даражасини беришга қарор қилибди. — Х. Тўхтабоев, Ширин қовунлар мамлакати