дўкон

от 1. Бирор нарса сотиш учун махсус жиҳозланган савдо-сотиқ хонаси, корхонаси; магазинча.

Баққол дўкони. Китоб дўкони. Дўкон мудири.

Ёмон чўпон тиконга берар, Яхши чўпон —

дўконга. — Мақол

Амакингизнинг дўконига яхши шоҳилар, бахмаллар келибди, олмайсизми? Ойдин, — Ўзидан кўрсин

Тўғри газета-журнал дўконига ёʻл олди. — Шарқ юлдузи

2. Ҳунармандларнинг ишхонаси.

Темирчи дўкони. Бўёқчи дўкони. Сартарошлик дўкони.

[Мулла Обид] Тинчимайди: гузар-да ямоқчилик дўкони очиб, ҳам ўзининг, ҳам қишлоқнинг эҳтиёжини ўтаб туради. А. Қодирий, — Обид кетмон

3. Ҳунармандлар фойдаланадиган дастгоҳ; станок.

Тўқув дўкони. Дўкон тўқисанг — бўз бўлар, Чарх йигирсанг — тўн бўлар. — Мақол

Уйларида дўкони ҳам бор: алача жанда тўқийди. — Ш. Холмирзаев, Қаҳрамоннинг сўнгги кунлари