дийдиё

от 1. Хотинлар ўртасида ўқиладиган, айтиладиган дийдиё радифли шеър ёки шўх лапар тури.

— Орадан ярим соат ўтар-ўтмас дийдиё ўқиб, хотинларни йиғлатиб ўтирган дарвишнинг қўлини орқасига боғлаб, иягига елим билан ёпиштириб олган узун соқолини юлиб ташладик, — деди Ҳошимжон. — Х. Тўхтабоев, Сариқ девни миниб

— Э, Салтанат отин, кўчада ҳам дийдиё ўқиб қолибсиз? — деди Башорат. — Б. Раҳмонов, Юрак сирлари

2. кўчма Дард-ҳасрат; хархаша, инжиқ-лик.

Бинафшахон ҳамон дийдиё қилмоқда эди. М. М. — Дўст, Галатепа қиссаси

Дийдиёси жонимга тегди. Баъзида кутаётганим Ёсуман аслида шу эмасми, деб ўйлаб қўяман. — Б. Раҳмонов, Юрак сирлари

Отамурод чуқур тин олди: худо берди унга. Бошланади энди. Роса дийдиёсини айтадиган бўлди. — М. Мансуров, Ёмби

Шербек онаси ўзини кутаётганини пайқаб кулимсиради: яна ўша эски дийдиё — қачон уйланасанни бошласа керак, деб кўнглидан ўтказди. — С. Анорбоев, Оқсой

3. кўчма Қуруқ гап, сафсата; ваъз-насиҳат.

Раҳмат, Эсонбой, дийдиё эшитишга тоқатим ёʻқ. — Ш. Холмирзаев

Ҳар хил миш-миш, дийдиёларга қулоқ солган ҳам аҳмоқ, бунақа майда гапларни уйга ташиб келган ҳам аҳмоқ. — С. Нуров, Нарвон