дирилламоқ

фл. 1. Титраш, тебраниш натижасида дир-дир овоз чиқармоқ.

Салют зарбидан деразаларнинг ойнаси дириллаб кетди.

Самолёт енгил дириллаб, моторлари бетиним ғўнғиллади. — Ёшлик

Назаров столга бир мушт туширди. Пиёла дириллаб кетди. — А. Кўчимов, Ҳалқа

Паровоз гудоги эшитилди. Унинг узундан-узоқ чўзиқ қичқириши вокзални дириллатиб юборди. — Н. Сафаров, Саодатнинг қиссаси

2. Силкинмоқ, тебранмоқ, зирилламоқ.

Бадани дириллайди. Юрагим дириллаб кетди.

Дарё шамолидан сесканган отнинг бадани дириллаб кетди. — С. Аҳмад, Иқбол

Агар келсам шу ерга, жиғиллайди юрагим, Ёрим эсга тушганда, дириллайди юрагим. — Муштум