dim-dim

1. DIM-DIM I

2. Dimlab, asta-asta qaynatib tayyorlanadigan ovqat.

Tovuq dim-dim tayyorlash uchun semizroq broylerdan tanlab olinadi. — K. Mahmudov, Oʻzbek tansiq taomlari

3. DIM-DIM II

4. Indamaslik, ovozini chiqarmaslik, jimlik, bosti-bosti.

Professor uzukni Sunbulxon ayaga berib, bu gapni dim-dim qilib yuborishni tayinladi. — Mirmuhsin, Umid

Nazarimda, bir gap borga oʻxshaydi. Hammasi dim-dim, qidirishmayapti. — S. Zunnunova, Gulxan

Dim-dim, oʻra koʻmdim, Gapirganning ogʻziga Bir shapaloq urdim. — Boychechak

5. Bolalarning indamay, jim oʻtirishdan iborat bir xil oʻyini.

Oraga jimlik choʻkdi. Ayollar, goʻyo dim-dim oʻynayotgandek, churq etmay, qirga qarab yura boshladilar. — N. Safarov, Tanlangan asarlar

Boltayevning tutgan yoʻliga kelganda, u dim-dim oʻyiniga oʻxshaydi. — J. Abdullaxonov, Toʻfon

Har uchovi [Salom buvish, Nodira xola. Maryam baxshi] ham dim-dim oʻynaganday jimib qoldi. — H. Shams, Dushman