devor-darmiyon

ot 1. Hovli-joylari oʻrtadagi bitta devor bilangina ajralgan, yonma-yon turuvchi.

Atrofidagi devor-darmiyon qoʻshnilar hamdardlik bildirib ketishdi. — S. Karomatov, Oltin qum

Amakimning hovlisi bizga devor-darmiyon boʻlgani sababli, otam meni shu Temirvoy ustaga dam bosish uchun shogird qilib berdilar. — M. Muhammadjonov, Turmush urinishlari

2. Chegaradosh, yonma-yon.

Buxoro viloyati Samarqand viloyati bilan devor-darmiyon qoʻshni.

Bogʻbolo ahlidan, devor-darmiyon qoʻshni boʻlaturib, yolgʻiz Mayram togʻchi kelmadi azaga. — E. Aʼzamov, Olam yam-yashil