Детский фольклор

Халқ ижодининг болаларга аталган ва болалар томонидан ижро этиладиган бир қисми. Болалар адабиёти (қ. Децкая литература) каби, болалар фолклори ҳам ижтимоий ҳаёт талаби натижасида пайдо бўлиб, тараққий қилган. Болалар фолклори икки катта қисмга бўлинади. 1. Болалар учун мўлжалланган ва болалар томонидан айтиладиган фолклор. Бунга катталар томонидан болалар учун яратилиб, бевосита болалар томонидан айтиладиган эртаклар, қўшиқлар, тез айтиш ва топишмоқлар киради. Мантиқий жиҳатдан бу қисм болалар адабиётининг таркибий қисми ҳисобланади. 2. Болалар учун мўлжалланган ва болалар томонидан ижро этиладиган болалар ўйин фолклори. Бунга «Қора кўрдим», «Данак беркитиш», «Бекинмачоқ», «Оқ теракми, кўк терак?», «Оқ шоли — кўк шоли», «Арғимчоқ» ва копток ўйинлари киради. Биринчи қисмидаги болалар фолклори болаларда нутқни ривожлантириш, уларда одоб-ахлоқ қоидаларига риоя қилиш, инсонпарварлик, ватанпарварлик, мардлик каби хислатларни таркиб топтиришга хизмат қилса, иккинчи қисмдаги болалар фолклори уларни ижтимоий камол топтириш, болалардаги топқирлик, эпчиллик каби хислатларни ўстиришга хизмат қилади. Хуллас, болаларнинг ҳам жисмоний, ҳам маънавий камолотида болалар фолклорининг роли каттадир., болалар фолклори