декча

от 1. Кичкина қозон, қозонча.

Юкимиз енгил: бир шолча, икки кўрпа-кўрпача, декча. С. — Нуров, Карвон

У озроқ ўтин териб, ҳамроҳлари ёнига келганда, декчада шўрва биширлаб қайнаётган эди. — М. Осим, Ибн Сино қиссаси

2. Декча қайнатмоқ Эплаб-сеплаб, бир амаллаб қозон қайнатмоқ, кун ўтказмоқ.

Давлатлари соясида декчамиз қайнаб турипти. — С. Айний, Дохунда

Шу мақсадда йиғилишиб, декча қайнатиш ғамида бош оғритишарди. — Ойбек, Навоий

3. кўчма Декчада пиширилган таом.

Хўжайиннинг қозонидан унда-мунда бир тотмасак ёʻқ, мойсиз бўлса ҳам, ўз декчамиз яхши. — Ойбек, Танланган асарлар