dekcha

ot 1. Kichkina qozon, qozoncha.

Yukimiz yengil: bir sholcha, ikki koʻrpa-koʻrpacha, dekcha. S. — Nurov, Karvon

U ozroq oʻtin terib, hamrohlari yoniga kelganda, dekchada shoʻrva bishirlab qaynayotgan edi. — M. Osim, Ibn Sino qissasi

2. Dekcha qaynatmoq Eplab-seplab, bir amallab qozon qaynatmoq, kun oʻtkazmoq.

Davlatlari soyasida dekchamiz qaynab turipti. — S. Ayniy, Doxunda

Shu maqsadda yigʻilishib, dekcha qaynatish gʻamida bosh ogʻritishardi. — Oybek, Navoiy

3. koʻchma Dekchada pishirilgan taom.

Xoʻjayinning qozonidan unda-munda bir totmasak yoʻq, moysiz boʻlsa ham, oʻz dekchamiz yaxshi. — Oybek, Tanlangan asarlar