даъвогар

от 1. ҳуқ. Ўз ҳақ-ҳуқуқини ҳимоя этиш ҳақида тегишли жойларга расмий ёки ғайрирасмий арз қилган, талаб қўйган фуқаро ёки юридик шахс.

Ўғри зўр бўлса, Даъвогар жавобгар бўлар. — Мақол

Даъвогар қози бўлса, Дардингни оллога айт. — Мақол

Ўғри қутулиб, даъвогар судга тортилган вақтлар кўп бўлган. — Н. Сафаров, Кимга тўй, кимга аза

Нега уч йилдан бери индамай келган хотин бирдан даъвогар бўлиб қолибди? — Ў. Ҳошимов, Қалбингга қулоқ сол

2. Ўзида ёʻқ ҳақ-ҳуқуқ, хусусият ёки фазилатларнинг эътироф этилишини талаб қилувчи.

— Менга даъвогар? Подшоҳлик ҳақига даъвогар, — деди амлокдор. — С. Айний, Қуллар

3. Мусобақа, танлов, спорт ўйинларида юқори ўрин учун курашувчи.

Футбол командамиз биринчи ўрин учун даъвогарлардандир.