davo

ot 1. Bemorning shifo topishi uchun qoʻllanadigan vosita; muolaja; umuman shifobaxsh narsa.

Quyosh, havo — tanga davo. — Maqol

Asal — ming dardga davo. — Qanotli soʻzlar

Olma sharbati organizmning kasalliklarga qarshiligini oshiradi, yurak-tomir kasalliklariga davo. — Saodat

Kashnich meʼda kasalligiga mubtalo boʻlgan kishilarga davo hisoblanadi. — Gazetadan

Uning qoʻlida davo topgan bemorlar oʻz xaloskorlaridan bir umr minnatdor boʻlishadi. — Gazetadan

2. koʻchma Tadbir, chora, iloj.

Amalga davo yoʻq, Yomonga — balo. — Maqol

Ogʻriq tishning davosi — ombir. — Maqol

Musibatning birdan-bir davosi —mehnat. — Sharq yulduzi

ot 1. huq. Buzilgan haq-huquqini talab qilish yoki uni himoya etish haqida huquqni himoyalovchi tashkilotlarga qilinadigan murojaat, arz.

Pul daʼvosi. Meros daʼvosi. Chegara daʼvosi. Oʻzimdan chiqqan baloga, Qayga boray daʼvoga. — Maqol

Shu-shu, daʼvosida mahkam turgan Elchiyev qaytib tergovga bormadi: bilganini qilsin endi! — E. Aʼzamov, Javob

Sudya Xadicha otinni turgʻazdi: — Ayblanuvchiga daʼvongiz bormi? — Qanaqa daʼvom boʻlsin, taqdir ekan! — Yoshlik

2. Birovni ayblash, tuhmat.

U meni urdi, deb daʼvo qilyapti.

U

Arabboyga daʼvo qilmoqda edi — P. Tursun, Oʻqituvchi

3. Oʻzi munosib boʻlmagan yoki oʻzida boʻlmagan haq-huquq yoki xususiyat, fazilatlarni eʼtirof etishni talab qilish, bu yoʻldagi urinish, iddao.

Birinchilik daʼvosi.

Saroyda barcha: shariat peshvolaridan tortib to kichkina amaldorgacha shoirlik daʼvo qilardi. — S. Siyoyev, Yorugʻlik

Bahodirlik daʼvo qilib yuribsan, Bek otangning tulporini minibsan. — Malikayi ayyor

Shunaqa oilalar borki, ota-onasining ilmi unchalik emas, bilimdonlikni daʼvo qilmaydilar. — S. Zunnunova, Koʻk chiroqlar

Uzum uzsam uzumzordan bir shingil, Asalman der, shirinlikda daʼvosi. — S. Abdulla

4. Javob talab qilinuvchi mulohaza, fikr.

Oltin chirimas, daʼvo qarimas. — Maqol

Poʻlatjon Zebining bu daʼvosiga nima deyishini bilmay, oʻylanib qoldi. — S. Ahmad, Qadrdon dalalar

— Kuladigan gap emas bu, kulmanglar, — dedi Maʼsumaoy oʻz daʼvosini isbotlashga urinib. — N. Safarov, Tanlangan asarlar

5. esk. ayn. Teorema.