dasturlash tili

Kompyuterlar uchun dasturlar (koʻrsatmalar yigʻmasi) yoziladigan, uni u yoki bu harakatlarni bajarishga majbur qiladigan rasmiy til. Dasturlash tilida yozilgan koʻrsatmalar dastlabki kod deb ataladi. Dastlabki kod kompyuterda amalda bajarilishidan avval, uni mashina kodiga yo boʻlaklab talqin qilish, yo batamom talqin qilish zarur. Dasturlash tilining taʼrifi quyidagilarni oʻz ichiga oladi: - mumkin boʻlgan belgilar roʻyxatini; - zaxiralangan soʻzlar roʻyxatini; - sintaksisni (belgilarni va zaxiralangan soʻzlarni birikmalash usullarini); - semantikani (dasturlash tilining birikmalar maʼnosi). Dasturlash tillari quyi pogʻona tillariga (Assembler tili va mashina tili) va yuqori pogʻonadagi tillariga (BASIC, C, C++, COBOL, FORTRAN, Ada, Pascal va boshqalar) boʻlinadi. Shuningdek, toʻrtinchi avlod tillari (4GL) ham ajratiladi.inglizchaprogramming languageruschaязык программирования