даста

dasta

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

даста И

от 1. 1 Турли асбобларнинг қўл билан ушланадиган қисми; соп.

Болта дастаси. Пичоқ дастаси.

Пичоқ дастасини қаттиқ қисганидан, тирноғи кафтига ботиб кетди. — Ёшлик

Дастаси бўлмаса, қилич ҳам кесмайди. — Қанотли сўзлар

У кичкина кетмонини ерга қадаб, дастасига ўтирди. — С. Сиёев, Ёруғлик

2. Тутқич, тутқа, қабза.

Эшикнинг дастаси.

[

Гулнор] Бир қўли билан деразанинг дастасини ушлади. — Ойбек, Танланган асарлар

Бекнинг чайир қўли бегона чамадоннинг дастасини ушлаганича тинчиди. — А. Мухтор, Туғилиш

Чашканинг дастасидан тутиб, қора чой ичса, жуда гаштли бўлади. — Н. Аминов, Қаҳқаҳа

3. Мусиқа асбобининг тор (ип, сим) тор-тилган ва қўл суриб, парда босиладиган қисми.

Дуторнинг дастаси.

4. Кели (ўғир)да нарса оқлашда (туйишда) ишлатиладиган тутқичли асбоб, келисоп.

У дадасининг қийин-қистовидан кейин, келини ҳовлига опчиқиб, зарда билан дастани тўқиллатиб, шоли оқларди. — С. Аҳмад, Уфқ

Азизхон бир гал шунақа шоли оқлашда дастани шундай куч билан урган эдики, тут тўнкасидан қилинган кели иккига ажралиб кетган эди. — С. Аҳмад, Уфқ

даста ИИ

от шв. Чиллак.

Қадимги майяларнинг касалланган тишларини даволашда шифокорлар ёғоч дасталардан фойдаланишган экан. — Фан ва турмуш

даста ИИИ

от 1. Бир тутам ёки боғлам қилиб терилган ёхуд боғланган нарса; боғ, боғлам.

Бир даста пиёз.

Бир даста гул кўтариб Мамлакат киради. — С. Зуннунова, Олов

Полда бир даста бинафша сочилиб ётарди. Ёшлик.

2. Устма-уст қилиб терилган, тахланган ёки тахлаб боғланган ёхуд қутичага жойлаштирилган нарса; пачка.

Бир даста китоб. Бир даста пул.

Исломхужа бир даста тилхатни тез-тез кўздан кечирди. — С. Сиёев, Аваз

У менга бир даста дафтар варақларини берди. — Ёшлик

Бир оздан сўнг кийим-кечак тахланадиган шкафдан бир даста пул топилди. — Муштум

Аҳмаднинг аяси қўлидаги бир даста чинни косани тушириб юборди. — Қ. Кенжа, Тоғ ёʻлида бир оқшом

3. махс . Ипак қурти пилла ўраши учун сўкчакка бостириладиган ғўзапоя ва шу кабилар боғлами.

Курт дастага кирар вақти чимхўр бўлиб, сустлаб қолади, бир кун ноз уйқуни олади. — М. Қўшмоқов, Али Қамбар

4. Гуруҳ, ансамбл.

Созандалар дастаси бир чирмандачи, бир ноғорачи, бир сурнайчи, бир раққоса ва битта қўғирчоқбоздан иборат эди. — С. Айний, Эсдаликлар

5. Тўп, гуруҳ, отряд.

Баъзан ҳар икки томоннинг илғор дасталари тўсатдан учрашиб, катта сурон билан ўқ узишадилар. — Ойбек, Навоий

Қўшин жўнаб баланд-пастда, Жўнай берди даста-даста. — Интизор

Минг даста тузсин, амирнинг куни саноқли. — С. Айний, Қуллар