дақиқа

от 1. Соатнинг олтмишдан бир бўлагига тенг вақт; минут.

Вақт. Биз уни бўламиз дақиқа, соатларга. — Р. Парфи, Кўзлар

Ҳар дақиқа, ҳар сония ғанимат, вақтни ўтказмай, чолни кўндириш керак. — Ёшлик

Ҳамма бир неча дақиқа бош эгиб, жим қолди. — С. Аҳмад, Уфқ

2. кўчма Умуман, вақтнинг жуда қисқа бўлаги; он, лаҳза.

Бир дақиқа, фақат бир дақиқа кўзларимиз тўқнашди. — Ёшлик

Гоҳ-гоҳда нафас ростлаш дақиқаларида ерга урилган кетмон товушлари эшитилади. — И. Раҳим, Ихлос

Бу дақиқалар унга ҳам лаззатли, ҳам азобли туюлар эди. Ў. — Ҳошимов, Қалбингга қулоқ сол