чош

от 1. Тозаланган ғалла, пахта ва шу кабиларнинг хирмондаги уюми; уйилган ғалла, хирмон.

Қариндошингни ошга чақир, чошга чақирма. — Мақол

Ҳайдар ғалвирни олиб, чош бошига келиб тўлдирди. — С. Айний, Қуллар

2. рвш. Лиммо-лим, лиқ тўла.

Яхшилаб ош дамлаб, ноз-неъматлару бизнинг ўзимиздан чиққанларини дастурхонга чош этиб, гурунгни гуллатиб юбордик. — М. М. Дўст, Лолазор

Бир оз фурсат ўтиб, кампир уйга ҳам катта товоққа чош қилиб солинган гўшт кўтариб кириб кетди. — Н. Қиличев, Чиғириқ