чўмич
choʻmichчўмич
от 1. Суюқ овқатни шопириш ва сузиш учун ишлатиладиган, узун дастали рўзғор асбоби; ёғлоғи.
Ёғоч чўмич. Сирланган чўмич. Қозонда бўлса, чўмичга чиқар. — Мақол
Туяни чўмич билан суғориб бўлмас. — Мақол
қозонда сут қайнаган, сут чўмичда шопирилган, чўмичга қасмоқ ҳиди уннаган. М. — М. Дўст, Лолазор
2. Бирор идишдан сув олиш учун ишлатиладиган, дастаси калта, ёғоч, металл ёки пластмассадан қилинган рўзғор асбоби.
Саид сув тўла чўмични узатаётганда, бир қултум сув отасининг сонига тўкилиб кетди. — Ёшлик
- Чўмичда қоқмоқ Бировнинг ҳақини, тегишини қоқиб, уриб қолмоқ. — Ҳатто энг олийжаноб мақсадлар бўлганда ҳам, —дейди Юсупов, — оддий одамларни чўмичда қоқмаслик керак. — Газетадан
- Экскаватор чўмичи Экскаваторнинг қум, тупроқ оладиган қисми; ковш.