чок
chokчок
от 1. Чеварликда: газлама, тери ва шу кабилардан тикилган буюмларнинг тикиб бириктирилган жойи.
Кўйлак чоки. Маҳсининг чоки сўкилибди. Чокидан йиртилди.
Унинг тиккан чокин кўрсанг, донадай силлиқ — Ғ. Ғулом
Сумкаларнинг чоклари текис астари шойидан. — Саодат
2. тех. Машинасозликда: деталларнинг пайвандлаб, парчинлаб ёки бошқа бирор усул билан уланган жойи.
Пайванд чок. Учма-уч чок. Устма-уст чок. Муҳими шундаки, лазер пайвандда ҳосил бўладиган чоклар ниҳоятда мустаҳкамдир. — Фан ва турмуш
3. бнк. Терилган ғиштлар, блокларнинг оралиғи, панелли уйларда панеллар туташган жой.
4. анат. Калла суяги қисмларини бириктириб турадиган асосий тузилма.
5. тиб. Жарроҳлик амалиётида жароҳатланган, кесилган жойларни, тўқималарни бириктириш усули.
- Ёқани чок қилмоқ (ёки этмоқ) Йиртмоқ, пора-пора қилмоқ. Онамни сўрайман сендан эрта-кеч, Қайтар, деб сўрайман чок этиб яқо. — А. ОриповЁқам чок-чок этиб, қиларман фарёд. — Гулшанбоғ
- Юраги (ёки бағри, дили) чок бўлмоқ Юраги пора-пора бўлмоқ, ғам-алам, изтиробдан эзилмоқ. Дўстлар шоду хандон, душман бағри чок. — Ғ. Ғулом