чўғ

choʻgʻ

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

чўғ И

от 1. Ёниб бўлиб, алангаси сўнган ўтин, кўмир ва шу кабилар

Лахча чўғ. Самоварга чўғ ташламоқ.

Ошпаз оппоқ халатининг енгларини намойишкорона шимариб, кўрага кўмир чўғини терди. — Ёшлик

2. кўчма Аланга, оташ, тафт; иштиёқ, завқ-шавқ.

Ишқ чўғи. Умид чўғлари. Юрак чўғи.

Халқ кўксига чўғ солиб турадиган шеърлар бўлади. — Газетадан

Юрагига санъат чўғи тушган қиз ўз мақсади сари интилди. — Газетадан

Чўғ устида ўтиргандек Бетоқат, бесаранжом, безовта. Суҳбат вақтида [Султон Хусайн] ўзини худди чўғ устида ўтиргандек ҳис қилди. — А. Кўчимов, Ҳалқа.
Ўзини ўтга, чўққа урмоқ Мақсадга эришиш учун ўзини ҳар ёққа урмоқ, ҳеч нарсадан қўрқмай, тап тортмай ҳаракат қилмоқ. Биз ёшлигимизда кўрган қаттиқчиликни шу болаларим кўрмасин, деб ўзимни ўтга ҳам урдим, чўққа ҳам урдим. — И. Ўктамов, Ҳикоялар

чўғ ИИ

от Салмоқ, чама.

Ҳосилнинг чўғи яхши. Пулнинг чўғи.

Нонни

Салмоқлаб кўр, чўғи оғирроғидан ол. — Ғ. Ғулом, Шум бола