chiroq

чироқ

6 ta lugʻatda uchraydi JSON Shevalarda Barcha qidiruv natijalari

Izohli lugʻat

chiroq

ot 1. Xonani, joyni yoritish uchun xizmat qiladigan uy-roʻzgʻor asbobi; lampa.

Jin chiroq. Neon chiroq. Osma chiroq Bashirjon elektr chiroqlari porlab turgan katta yoʻldan yurishga istihola qilibmi oʻzini qorongʻilik qoʻyniga urdi. — N. Aminov, Qahqaha

Uning [oʻtovning] ichi issiq, lampa chiroq charogʻon qilib turardi. — Gazetadan

2. Mashina, televizor, radio va shu kabilarning yonib turuvchi qismi. Mashina motori gurullab, chiroqlari asfalt yoʻl, restoran devorlarini piypaslab oʻtdi. S. Nurov, Maysalarni ayoz urmaydi.

3. koʻchma Farzand yoki yaqin odam.

Chiroqqinam, shunday yomon tush koʻrdim. — Yusuf va Ahmad

Oʻgʻil tugul, yoʻqdir-da biror qizim, Chambilda chiroqsiz oʻtganman oʻzim. — Nurali

Ichiga chiroq yoqsa yorishmaydi Juda xafa, tushkun kayfiyatda. Dildorning ichi chiroq yoqsa yorishmas, hamma narsaga befarq edi. — Saodat
Chirogʻini yoqmoq Marhumdan keyin uning uy-joyini obod qilib, xotirasini asramoq. Oʻgʻil yoqqan chiroqni qiz ham yoqar. — Maqol— Mendan keyin chirogʻimni yoqadigan shu nabiram, — dedi kampir. — Yoshlik