чинор

от 1. Пўсти кўкиш, панжасимон шапалоқ баргли, узоқ, умрли серсоя катта дарахт.

Чинор чиримас, арча қуримас. — Мақол

Ҳаммаёқ озода, сув сепилган, тоза. Сарҳовуз осмонга етадиган чинорлар — Нурали

2. кўчма Турмуш ўртоғи ёки ўғил, фарзанд (аёлга нисбатан).

Чиройинг борида чинорингни топ. — Мақол

Бўйнимга таққан туморим сен эдинг, Олдимда ўсган чинорим сен эдинг. — Ойсулув

3. кўчма Суянчиқ, қўллаб-қувватловчи шахс.

[Турдикуловнинг] Раёнда суянган чинорлари бор. — Ёшлик