chechak
чечакchechak I
ot Tabiiy ravishda oʻsadigan gulli oʻsimlik; gul.
Dala chechaklari. Xushboʻy chechak.
Rango-rang kapalaklar chechaklarning xushboʻy hididan mast. — M. Osim, Karvon yoʻllarida
Shamollar ichida men ham bir shamol, Chechaklar atridan men ham sarmastman. — A. Oripov
- Pulingga chechak chiqqanmi? Kerakli narsani olish uchun oʻz pulini qizgʻanib, birovdan narsa soʻraguvchi kishiga aytiladigan ibora.
chechak II
ot Badanga suvli pufakchalar toshirib, isitma chiqaradigan, koʻpincha bolalarda uchraydigan ogʻir yuqumli kasallik.
Agarda oʻzingizga ham chechak chiqqan boʻlsa, sezarsiz: misoli gʻalvirak bodom. — A. Qodiriy, Kichik asarlar
1980 yil Jahon Sogʻliqni saqlash assambleyasining 33-sessiyasida Yer yuzida chin chechak butkul tugatilganligi rasmiy ravishda eʼlon qilindi. — OʻzME