ЧАСТОТА ВРАЩЕНИЯ ДОЛОТА

doloto tishlarining quduq tubi bilan oʻzaro taʼsir tezligi orqali ifodalanadi. Sharoshkani tub boʻylab gildirashida D.a.ch. uning tishlarini togʻ jinsi bilan tutashishini va maydalangan jins zarralariga kinematik taʼsirini belgilaydi. Piravard natijada shu ikki omil quduq tubi chuqurlashuvi shiddatini aniqlaydi. D.a.ch. sharoshka jihozlarining va dolota tayanch elementlarining siyqalanish jadalligini belgilaydi. Turbinali burgʻilashda D.a.ch. minutiga 600—700 dan ortadi, dolotaning chidamliligi esa rotorli burgʻilashda, minutiga 50—100 marotaba aylanayotgan dolotanikidan ancha past boʻladi. Shu sababli D.a.ch.ni belgilashda burgʻilash jarayonining samaradorligiga va jinslarni maydalovchi uskunaning chidamliligiga eʼtibor berish lozim. Neft va gaz uyumlari kichik va oʻrtacha chuqurlikda boʻlsa, burgʻilashning turbinali usulidan foydalaniladi. Juda qattiq, kam yemiriluvchan karbonat jinslarda D.a.ch.ni minutiga 600 dan 60 gacha kamaytirish bir reys (bir dona burgʻilash quvuri yoki svecha uzunligi)da qazish tezligini 1,5—2 marotabaga oshirish, mexanik tezlikni esa 3—4 marotabaga kamaytirish imkonini beradi., Dolotaning aylanish chastotasi