чақа
chaqaчақа И
от 1. Асосан мис, жез сингари металлардан ясалган, қиймати паст майда танга пул.
Оқ кўйлак устидан олача ипак тўн кийган, гавдаси ёʻғон баққол ёш харидорнинг айтган нарсаларини тортиб, қўлидан майда чақаларни олди. — М. Осим, Ибн Сино
2. эск. Бир тийин.
[Отабек ва Али] Дастурхонни йиғиштирувчи келинчакка ўғил тилаб дуо қилгандан кейин, қўлига ўттиз чақа сурма пули бердилар. — А. Қодирий, Ўтган кунлар
3. Умуман пул, маблағ.
Темирчи йигитнинг чақаси миёнагина тўйга етарли бўлиб қолганида, Холхўжа қўрбоши йигитларининг хуружи бошланди. — С. Аҳмад, Ҳукм
- Бир чақага (ёки сариқ чақага) арзимайди Ҳеч нарсага ярамайди, арзимайди. — Хаёлларим бир чақага ҳам арзимайди, муҳтарам зот, — ҳозиржавоблик билан узиб олди моҳир санъаткор. — Газетадан
- Бир чақага (ёки сариқ чақага) олмаслик Менсимаслик, ҳурмат қилмаслик. Бу кулишдан унинг меҳмонни бир чақага олмаслиги аниқ билиниб турарди. — А. Мухтор, Опа-сингилларМен тирикман — бозори чаққон, мен ўлсам, уни биров сариқ чақага олмайди. — М. М. Дўст, Лолазор
- Бир (ёки сариқ) чақалик Сира, мутлақо. Бу Насим дегани шунақа Бемаврид ёғаётган қор билан ҳам Аброрнинг тажангланиб тургани билан ҳам унинг бир чақалик иши ёʻқ. — О. Мухтор, Эгилган бошБу чатоқ ишга ўзининг сариқ чақалик алоқаси бўлмаса ҳамки, бутун жавобгарлик ўз елкасига ағдарилгандай ҳанг-манг бўлди. — Ҳ. Назир, Сўнмас чақмоқлар
- Сариқ чақам ёʻқ Сира ҳам пулим ёʻқ. [Ёʻлчи:] Онам, укаларим учун бу ерда юрибман, Эшвой ака, буни яхши биласиз. Аммо ҳозир ёнимда сариқ чақам ёʻқ. — Ойбек, Танланган асарлар
- Чақа қилмоқ Сотмоқ, пулламоқ. Мана, Барат супургичи! Бозордан супургисини чақа қилолмай, яна орқалаб қайтаётир. Ойбек, Танланган асарлар.
чақа ИИ
от 1. Кичик яра, жароҳат.
Пулни юз-бетига чақа тошган иккита ўспирин олди. — М. М. Дўст, Галатепа қиссалари
Ниёзмурод Бибигул юзидаги қонталашган чақаларни кўрди. — Мирмуҳсин, Чўри
2. Бирон-бир зарб, таъсир натижасида нарсаларнинг юзасида ҳосил бўлган ўйиқ.
Машина урилиб чақа бўлди.
Пластмассадан қилинган шкаф урилиб, чақа бўлади ёки стулнинг оёғи тез синиб қолади, деб сира хавотирланманг. — Саодат
чақа ИИИ
от шв. Бола, фарзанд.