chaplashmoq

чаплашмоқ

1 ta lugʻatda: Izohli yana 2 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

chaplashmoq I

fl. 1. Chaplamoq I feʼlining birgalik nisbati.

Oq tunukadan yasalgan bakni yer oʻchoqqa oʻrnatib, atrofiga loy chaplashmoqda. S. — Ahmad, Ufq

2. Yopishmoq, yopishib qolmoq.

Yuziga chaplashgan loyni kir panjasi bilan artdi. — Oybek, Quyosh qoraymas

Bugungi kutilmagan tun Hasanali otani charchatgan; uning keksa koʻzlari uyqu bilan tamom chaplashib olgan edilar. — A. Qodiriy, Oʻtgan kunlar

3. Bir-biriga ayqashib-chalkashib xiralashmoq.

Xat oʻchirilaverib, juda chaplashib ketgan edi. — O. Yoqubov, Izlayman

chaplashmoq II

fl. Qarshi boʻlib, zidlashib qolmoq, teskari boʻlib qolmoq.

[Karimiyning] Pichingi koʻnglimni battar gʻash qildi, chunki Matluba bilan chaplashib qolganimiz rost edi. — O. Yoqubov, Bir felyeton qissasi