БУРОВОЙ ИНСТРУМЕНТ

quduq burgʻilash maqsadida ishlatiladigan uskunalar. B.u. texnologik, yordamchi, falokat va maxsus turlarga boʻlinadi. Texnologik B.u.ga quduq burgʻilashda ishlatiladigan: jins maydalovchi uskunalar (koronka, doloto, kengaytirgichlar), kernuzgichlar, perexodniklar, burgʻilash quvurlari birikmasi va boshqa uskunalar kiradi. Maʼlum bir ketma-ketlikda biriktirilgan texnologik uskunalar toʻplami burgʻilash snaryadi deb ataladi. Yordamchi B.u. quduq devorini mahkamlash va texnologik uskunalarga xizmat qilishga moʻljallangan. Unga: mustahkamlash quvurlari, muftalari, nipellar, qisqichlar, kalitlar, elevatorlar va sh.k. kiradi. Falokat B.u.ga quduqlardagi falokatlarni bartaraf qilishga moʻljallangan uskunalar kiradi. Ularga ilintiruvchi uskunalar (metchik, kolokol va sh.k.), kesuvchi uskunalar (uruvchi toʻqmoq, titratkichlar va sh.k.) va b. misol boʻladi. Maxsus B.u. — quduqning qiyshayishining oldini olish va toʻgʻrilash va sh.k. maxsus ishlarni bajarishda ishlatiladigan uskunalar., Burgʻilash uskunasi