БУРОВОЙ ИНСТРУМЕНТ

қудуқ бурғилаш мақсадида ишлатиладиган ускуналар. Б.у. технологик, ёрдамчи, фалокат ва махсус турларга бўлинади. Технологик B.u.ga қудуқ бурғилашда ишлатиладиган: жинс майдаловчи ускуналар (коронка, долото, кенгайтиргичлар), кернузгичлар, переходниклар, бурғилаш қувурлари бирикмаси ва бошқа ускуналар киради. Маълум бир кетма-кетликда бириктирилган технологик ускуналар тўплами бурғилаш снаряди деб аталади. Ёрдамчи Б.у. қудуқ деворини маҳкамлаш ва технологик ускуналарга хизмат қилишга мўлжалланган. Унга: мустаҳкамлаш қувурлари, муфталари, нипеллар, қисқичлар, калитлар, элеваторлар ва ш.к. киради. Фалокат B.u.ga қудуқлардаги фалокатларни бартараф қилишга мўлжалланган ускуналар киради. Уларга илинтирувчи ускуналар (метчик, колокол ва ш.к.), кесувчи ускуналар (урувчи тўқмоқ, титраткичлар ва ш.к.) ва б. мисол бўлади. Махсус Б.у. — қудуқнинг қийшайишининг олдини олиш ва тўғрилаш ва ш.к. махсус ишларни бажаришда ишлатиладиган ускуналар., Бурғилаш ускунаси