БУРОВЫЕ ВЫШКИ

burgʻilash chogʻida dolotani almashtirish, burgʻilash quvurlarini koʻtarib-tushirish, quduq devorlarini MQB bilan jihozlash va boshqa maqsadlarda foydalaniladigan qurilma. Quduqlar turiga, chuqurligiga va konstruksiyasiga koʻra turli texnik parametrli B.m. mavjud. B.m.ning turi, asosan, qabul qilingan quduq konstruksiyasidan kelib chiqqan holda tanlanadi. Quduqlarni burgʻilashda A turidagi B.m. ishlatiladi, ular panjara shaklidagi metall konstruksiyali uch va toʻrtqirrali minoralardan iborat. Asosan krest, qoʻsh krest, uchburchak yoki yarim qiyshiq shakldagi panjaralar mavjud. Neft va gaz quduqlarini burgʻilashda bashnya, A — turlaridagi B.m.laridan foydalaniladi. Ularning VM—41—M, VA—41—125, BMVB—41—200, V—200—41, VMD—200, VB—53—300, VBA—53—320, ZVB—58—300 turlari mavjud. Masalan, chuqur quduqlarni burgʻilashda koʻproq VM—41—M va VB—53—300 turidagi burgʻilash minoralari ishlatiladi. VM—41—M turidagi B.m. bilan ishlaganda svechalarning uzunligi 24—25 m, VB—53—300 bilan ishlaganda 24—25 m va 36—37 m boʻlishi mumkin., Burgʻilash minoralari