БУРОВЫЕ УСТАНОВКИ

Burgʻilash qurilmalari (dastgohlari) — neft va gaz konlarini razvedka, ishlatish hamda yer poʻstining yuqori qismidagi qatlamlar tuzilishini oʻrganish maqsadida quduqlarni burgʻilash uchun moʻljallangan qurilmalar. B.q. Rossiyada Volgograd va Uraldagi zavodlarda ishlab chiqariladi. Shuningdek, «Atlas Kopko» (Shvetsiya), «Dresser» (Kanada), «Longir», «Djoy» (AQSH) va b. firmalar B.q. ni 500 dan ortiq modellarini ishlab chiqarmoqdalar va takomillashtirmoqdalar. Ular ogʻir mashinasozlik zavodida BU—300 BD, BU 3000 BE, BU—4000 DGU, BU—4000 EU, «Uralmash ZD—76», Uralmash 4E—76, BU—5000 DGU, BU—5000 EU, «Uralmash—200 DG—IV», «Uralmash—200 E—IV», «Uralmash—300 DE», «Uralmash—300 E» va boshqa B.q. ishlab chiqarilmoqda. Ularning texnik tavsifi B.4-jadvalda berilgan. B.q. komplektiga quyidagilar kiradi: minora, kronblok, tal bloki, kryuk bloki, kryuk, vertlyug, tushirish-koʻtarishni amalga oshiradigan mexanizmlar, rotor, ponani pnevmatik tutish moslamasi, kalit, yordamchi lebedka, burgʻilash lebedkasi, gidrotormoz, burgʻilash nasosi, kompensator, kompressor va b. Quduqlar uchun B.q.ni tanlashda quyidagi omillar hisobga olinadi: 1) qurilmaning texnik tasnifi: kryukka tushadigan ogʻirlik, burgʻilash nasosi uzatadigan bosim, asosiy elektrli uzatma quvvati va turi; 2) yer yuzasida oʻrnatiladigan uskunalar massasi; 3) burgʻilash minorasini montaj, demontaj qilish va koʻchirish; 4) burgʻilash inshootlarini qurishga ketadigan vaqt; 5) burgʻilashga sarflanadigan vaqt; 6) burgʻilash ishlarini tashkil qilish va h.k.