Бурлеска или Бурлеск

burleska. Xalq sheʼriyati va dramalarining komik (q. Komizm) va parodiyaviy (q. Parodiya) turlaridan biri. Bunday asarda tanlangan mavzu bilan asar tili oʻrtasida moslik boʻlmaydi. Masalan, juda ham yuksak falsafiy mavzu oddiy yumoristik til bilan ifodalansa yoki juda ham arzimas kichik mavzu koʻtarinki, falsafiy til bilan ifodalansa, burleska yuzaga keladi. Burleska qadimgi grek adabiyotida paydo boʻlib, keyinchalik XVII asrda gʻarbiy Yevropaga keng tarqaldi. Rossiyada esa burleska XVIII asrda ommaviylashdi. Oʻzbek adabiyotida burleskaning namunasi sifatida Abdulla Qahhorning «Notiq» hikoyasiga oʻxshash hikoyalarni koʻrsatish mumkin.