бургут

burgut

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

бургут И

от 1. Қарчиғайсимонлар (лочинсимонлар) оиласига мансуб катта йиртқич овчи қуш.

Бургут — анча йирик, чаққон ва кучли қуш. — Фан ва турмуш

Халқимизда бургутнинг кучи — қанотида, одамнинг кучи — дўстлигида, деган гап бор. — Газетадан

2. кўчма Йиртқич, ёвуз (одам ҳақида.

Ўзи мулойим кўрингани билан, чангалидан чаён ҳам омон чиқолмайдиган бургут бу қори! — И. Раҳим, Чин муҳаббат

Хотинларнинг эркига чанг солган бир бургутдан хайрли бир иш кутиш мумкинми? — Газетадан

Мен кабутар бўлсам, ул бир бургутдир, Мен муштипар бўлсам, ул бир йигитдир. — Маликайи айёр

3. кўчма Жасур, қайтмас, эпчил.

Мирзо, сиз саркарда Ёқуббекнинг бургутлари билан сўл қанотда борсангиз. — Мирмуҳсин, Меъмор

Иш кўрсатмай ўлиш номард ишидир, Бургутларим, келиб бергин маслаҳат. — Нурали

Бургут боқиш қилмоқ Таъсирчан, ўткир қараш қилмоқ, тикилиб қарамоқ. Бобом бургут боқиш қилиб менга қарадилар. — С. Аҳмад, Юлдуз

бургут ИИ

от астр. Осмон экватори атрофида Делфин, Қавс, Далв юлдуз туркумлари оралиғида жойлашган юлдузлар туркуми.