БУРЕНИЕ ВЕРТИКАЛЬНОГО УЧАСТКА НАКЛОННОЙ СКВАЖИНЫ

Qiya quduqlarning vertikal qismini burgʻilash — quduqlarning yuqori boshlangʻich qismi vertikal yoʻnalishda, turli maqsadda qaziladigan quduqlarniki kabi burgʻilanadi. Quduq vertikal qismining uzunligi koʻpgina omillarga bogʻliq, ulardan asosiysi chuqurligidir. Chuqurlik oshgan sari uning vertikal qismi uzunligi ham oshadi. Bu uzunlik koʻpincha konduktor tushiriladigan chuqurlikka mos keladi. Quduqning yuqori qismi nihoyatda vertikal boʻlishi lozim. Uning mumkin boʻlgan qiyshayishining oldini olish maqsadida maxsus tub moslamalardan foydalaniladi. Odatda, quduqning vertikal qismi bir xil tur va oʻlchamdagi doloto bilan burgʻilanadi. Doloto va BQBning bir tekis ishlashini taʼminlash uchun markazlashtirgichdan foydalaniladi. Markazlashtirgich BQBning boʻylama bukilishini kamaytiradi.