БУРЕНИЕ С ОТБОРОМ КЕРНА

kern olinadigan burgʻilashda kolonkali doloto ishlatiladi. Doloto jinsni yemiradigan asbob (burgʻi boshchasi) va kern qabul qilgich moslamasidan iborat. Burgʻi boshchasi togʻ jinsini quduq gubi chekkasidan yemirib quduq oʻrtasida jins ustuni (kern)ni qoldiradi. Kern quduqning chuqurlashishida kern qabul qilgich ichkarisiga joylashib boradi. Kern qabul qilgich qurilmasi qobiq va kern qabul qilgichdan iborat. Qobiq burgʻi boshchasini burgʻilash birikmasi bilan birlashtirish va kern qabul qilgichni turli mexanik zararlanishdan saqlaydi. Kern qabul qilgich kernni qabul qiladi, burgʻilash vaqtida va yuqoriga chiqarib olishda uni saqlaydi. Kern qabul qilgichning pastki qismida kern uzgich va ushlab turadigan moslamalar joylashgan, yuqorisiga kern qabul qilishida siqib chiqarilgan yuvuvchi suyuqlikni oʻtkazib yuboradigan klapan oʻrnatilgan. GOST 21949—76 «Ustroystva kernopriyemnie» boʻyicha ajratib olinadigan va olinmaydigan kern qabul qilgich dolotalar ishlab chiqariladi. Kern qabul qilgichni ajratib olinmaydigan doloto b-n burgʻilashda kern qabul qilgichni yuqoriga chiqarish uchun BQBni yuqoriga koʻtarish kerak, yechilib olinadiganida ushlagich bilan faqat kern qabul qilgich yuqoriga chiqarib olinadi. Kern qabul qiluvchi moslamaning uzunligi 16 m, kern qabul qilgichniki 14,5 m. «Nedra» kern qabul qiluvchi moslama uchun sharoshkali, olmosli va qattiq qotishmali burgʻi boshchalari ishlab chiqariladi. Bular turli qattiqlikdagi togʻ jinslariga moʻljallangan. «Nedra» kern qabul qilgich qurilmasidan tashqari, diametri 212,7 mm li ajratib olinmaydigan dolotali «Silur» kern qabul qilgich ham mavjud. Konstruksiyasi «Nedra»nikiga oʻxshash. Bulardan boshqa 100 mm diametrli kern oladigan «Kembriy» moslamasi ham bor. Ajratib olinadigan kern qabulqilgichlar turli modellarda chiqariladi. Turbinali burgʻilashda bunday moslamalar kolonkali turbobur nomi bilan maʼlum. KTDZ va KTD4S kolonkali burgʻilash turbinalari ishlab chiqarilgan. TKZ va ST turidagi burgʻi boshchalari ishlatila-, Kern olib burgʻilash