{"headword": "БУРЕНИЕ С ПРОДУВКОЙ СЖАТЫМ ВОЗДУХОМ", "key": "burenie s produvkoy sjatim vozduxom", "entries": [{"dictionary": {"name": "Neft va gaz sanoati izohli lugʻati", "title": "НЕФТЬ ВА ГАЗ САНОАТИ русча-ўзбекча изоҳли луғат", "kind": "Terminologik", "imprint": "Абидов, Асрор Аббосович; Эргашев, Йўлдошбой; Қодиров, Малик Хафизович (2004). НЕФТЬ ВА ГАЗ САНОАТИ русча-ўзбекча изоҳли луғат. Tashkent: Шарқ» нашриёт-матбаа акциядорлик компанияси Бош таҳририяти.", "url": "https://til.uz/lugatlar/neft-va-gaz-sanoati-ruscha-ozbekcha-izohli-lugat/", "page": "49"}, "pos": "", "labels": [], "variants": [], "etymology": "", "phraseology": "", "pronunciation": "", "senses": [{"order": 1, "text": "", "examples": []}], "translations": [], "cross_references": [], "extra": {"raw_word": "БУРЕНИЕ С ПРОДУВКОЙ СЖАТЫМ ВОЗДУХОМ — Сиқилган ҳаво оқими билан бурғилаш", "raw_meaning": "мураккаб геологик ва географик-иқлимий шароитларда қудуқларни сиқилган ҳаво оқими ёрдамида бурғилаш. Бунга разведка қудуқларини бурғилашда ҳаво аралаштирилган суюқликлардан, зарбали-айланма бурғилашда туб пневмозарбали механизмлар (тўғридан-тўғри айланиш схемаси)дан фойдаланиб бурғилаш, шунингдек, вакуумли бурғилаш (тескари айланиш схемаси), эрлифт снарядларини (суюқликни маҳаллий айланиш схемаси) қўллаб бурғилаш ва б. киради. С.ҳ.о.б.б. қудуқ кесимида бўш, бурғилаш чоғида ювувчи суюқлик таъсирида қудуқ деворидан ағдариладиган ёки доимий манфий температурали (доимий музлоқ) жинсларни ҳамда баланд тоғли ва чўл зоналарида, сув билан таъминлаш қийин бўлган жойларда қўлланилади. Қудуқни шламдан тозалашда ҳаво газсимон омил сифатида ишлатилади, у ювувчи суюқликларга қараганда қатор афзалликларга эга. Ҳаво чексиз миқдорда, ҳар қандай жойда мавжуд, қовушқоқлиги ва зичлиги жуда паст, сиқилувчандир. Унинг иссиқлик ўтказувчанлиги ва иссиқлик ютиши сувникига нисбатан паст бўлганлигидан доимий музлоқ жинсларини бурғилашни осонлаштиради. Сиқилган ҳавонинг бундай хусусиятлари қувур ташқи бўшлиғида ҳаво оқимини катта тезликда ҳаракатланишига олиб келади ва майдаланган жинсларни ер юзасига олиб чиқади. Шу билан бирга қудуқда суюқлик устунининг бўлмаслиги жинс майдаловчи ускуна ишини енгиллаштиради. С.ҳ.о.б.б.да ҳамма турдаги жинс майдаловчи ускуналар — қаттиқ қотишмали коронкалар, шарошкали долоталар ва олмосли коронкалардан фойдаланилади."}}]}