{"headword": "БУРЕНИЕ ДВУСТВОЛЬНЫХ НАКЛОННЫХ СКВАЖИН", "key": "burenie dvustvolnix naklonnix skvajin", "entries": [{"dictionary": {"name": "Neft va gaz sanoati izohli lugʻati", "title": "НЕФТЬ ВА ГАЗ САНОАТИ русча-ўзбекча изоҳли луғат", "kind": "Terminologik", "imprint": "Абидов, Асрор Аббосович; Эргашев, Йўлдошбой; Қодиров, Малик Хафизович (2004). НЕФТЬ ВА ГАЗ САНОАТИ русча-ўзбекча изоҳли луғат. Tashkent: Шарқ» нашриёт-матбаа акциядорлик компанияси Бош таҳририяти.", "url": "https://til.uz/lugatlar/neft-va-gaz-sanoati-ruscha-ozbekcha-izohli-lugat/", "page": "43"}, "pos": "", "labels": [], "variants": [], "etymology": "", "phraseology": "", "pronunciation": "", "senses": [{"order": 1, "text": "Ikki tanali qiya quduqlarni burgʻilash — bir burgʻilash uskunasi va asboblari komplekti yordamida ikkita qiya yoʻnalgan quduqlarni burgʻilash. Bunda quduqlar ogʻzi bir-biridan 1,5 m masofada boʻladi. Birinchi quduq burgʻilanayotgan paytda ikkinchisida yordamchi ishlar bajariladi, yaʼni burgʻilash quvurlarining tag qismi (BQTQ) jihozlanadi, dolotalar turi va markasi tanlanadi va h.k. Birinchi quduq chuqurlashtirilgandan soʻng ikkinchisiga tayyorlangan BQTQ tushiriladi. Birinchi quduqdan chiqarilgan burgʻilash quvurlari ikkinchisiga tushiriladi va burgʻilash davom etiriladi. Keyin bu jarayon teskari tartibda takrorlanadi. I.t.q.b.da maxsus uskunalardan: qoʻshaloq rotor, siljiydigan kronblokdan va yuqori asos oʻlchamlari oʻzgartirilgan bashnya turidagi burgʻilash minorasidan foydalaniladi. Ikki tanali burgʻilashda hamma ishlarni birga qoʻshib bajarish imkoniyati tugʻiladi. Mas., birinchi quduq sementlansa yoki sement qotishi kutilsa, boshqasida — burgʻilash davom etadi, birinchisida geofizik ishlar oʻtkazilayotgan boʻlsa, boshqasida — burgʻilash va boshqa ishlar bajariladi. Ikki tanali burgʻilashda burgʻilash uskunalaridan foydalanish jadallashadi, ish unumi oshadi va 1 m qazish tannarxi kamayadi. Ikki tanali burgʻilash kamchiliklardan holi emas, chunonchi, har bir quduqni burgʻilash muddati uzayadi, falokat va murakkabliklarni bartaraf etish vaqti choʻziladi.", "examples": []}], "translations": [], "cross_references": [], "extra": {"raw_word": "БУРЕНИЕ ДВУСТВОЛЬНЫХ НАКЛОННЫХ СКВАЖИН", "raw_meaning": "Икки танали қия қудуқларни бурғилаш — бир бурғилаш ускунаси ва асбоблари комплекти ёрдамида иккита қия йўналган қудуқларни бурғилаш. Бунда қудуқлар оғзи бир-биридан 1,5 м масофада бўлади. Биринчи қудуқ бурғиланаётган пайтда иккинчисида ёрдамчи ишлар бажарилади, яъни бурғилаш қувурларининг таг қисми (БҚТҚ) жиҳозланади, долоталар тури ва маркаси танланади ва ҳ.к. Биринчи қудуқ чуқурлаштирилгандан сўнг иккинчисига тайёрланган БҚТҚ туширилади. Биринчи қудуқдан чиқарилган бурғилаш қувурлари иккинчисига туширилади ва бурғилаш давом этирилади. Кейин бу жараён тескари тартибда такрорланади. И.т.қ.б.да махсус ускуналардан: қўшалоқ ротор, силжийдиган кронблокдан ва юқори асос ўлчамлари ўзгартирилган башня туридаги бурғилаш минорасидан фойдаланилади. Икки танали бурғилашда ҳамма ишларни бирга қўшиб бажариш имконияти туғилади. Мас., биринчи қудуқ цементланса ёки цемент қотиши кутилса, бошқасида — бурғилаш давом этади, биринчисида геофизик ишлар ўтказилаётган бўлса, бошқасида — бурғилаш ва бошқа ишлар бажарилади. Икки танали бурғилашда бурғилаш ускуналаридан фойдаланиш жадаллашади, иш унуми ошади ва 1 м қазиш таннархи камаяди. Икки танали бурғилаш камчиликлардан ҳоли эмас, чунончи, ҳар бир қудуқни бурғилаш муддати узаяди, фалокат ва мураккабликларни бартараф этиш вақти чўзилади."}}]}