buqa

ot 1. Bichilmagan erkak qoramol.

Buqa shoxidan ilinar, Odam — tilidan. — Maqol

Har kuni bir nagʻma koʻrsatadigan buqamizdan xavotirlanib, poda oldiga ilgariroq chiqib turmoqchi boʻldim. — Yoshlik

Buqa, xuddi uyatchan kelinchakdek, yuvosh tortib, xonasiga kirib ketsa boʻladimi. — Mushtum

2. Buqa boʻyin Boʻyni buqaning boʻynidek yoʻgʻon.

Buqa boʻyin odam,

Mehmonning biri aftini burishtirib olgan, buqa boʻyin odam edi. — E. Usmonov, Yolqin

Buqa boʻyin, hoʻkiz qorin xumsalar! Chuchvarani xom sanaysiz. — Mushtum

ot 1. Madrasalarda faqir yoki qalandarlar uchun belgilangan hujra.

2. Faqirona uy, kulba.

Alqissa, araq-araq ter bosib, buqaga yetdim. — Mushtum